გურამ გვასალიას Vetements-ის სამოსით სემ სმიტი "ბარბის" პრემიერაზე - უჩვეულო სტილით მსოფლიოს ამჯერად მეორე გვასალია აოცებს (ფოტოები)
მომღერალი სემ სმიტი კამერების წინ კვლავ საინტერესო სტილის ჩაცმულობით გამოჩნდა. ფილმ "ბარბის" ევროპულ პრემიერაზე სმიტს უჩვეულოდ განიერი ტანისამოსი ეცვა.
საინტერესოა, რომ სემ სმიტის ჩაცმულობაზე გურამ გვასალიას ბრენდმა Vetements-მა იზრუნა.
"ბარბის" საუნდტრეკის ავტორი საკმაოდ კომფორტულად გამოიყურებოდა.
სოციალური ქსელების მომხმარებლებმა სემ სმიტი არ დაინდეს და ჩაცმულობის გამო გააკრიტიკეს: "ერთადერთი შანსი ჰქონდა, რომ ტანისამოსის შერჩევისას უკან არ დაეხია და ეს აირჩია?!“, წერდა "ტვიტერის" ერთ-ერთი მომხმარებელი.
"ბარბის პრემიერაზე ასეთი სამოსი უნდა ჩაიცვა?!"
"მგონი, ეს ყველაზე საშინელი ჩაცმულობაა, რაც კი ოდესმე მინახავს" - ასე აფასებდნენ სოციალურ ქსელში მომღერლის სტილს.
სემ სმიტის ჩაცმულობას პირველად არ გამოუწვევია ინტერნეტში დაბნეულობა. მომღერალი თავისი უჩვეულო გარდერობით წარსულშიც ბევრჯერ მოქცეულა საზოგადოების ყურადღების ცენტრში.
წყარო: pagesix
მოამზადა: ანა სიბოშვილმა